HERRAMAÐURINN ALLUR

Því miður tók ég þá leiðinlegu ákvörðun að farga mínum ástkæra HERRAMANNI, en ég var í raun á leið með hann á verkstæði í dag, til að halda honum gangfærum. Hann hafði ekkert komið nógu vel útúr þessum vetri og eftir nokkur samtöl við fagaðila ákvað ég með trega að fara með hann uppí HRINGRÁS, en hirða það heillegasta úr honum, sérstaklega felgurnar sem margir hafa haft augastað á. Þótt ég gerði ekki fræðilega úttekt á hvað það hefði kostað að setja HERRANNINN á götuna, var giskað á að þetta hlypi á hundruðum þúsunda, jafnvel hálfri milljón að gera hann vel upp. Ég trúi því nú reyndar ekki, en það sem háði mér með bílinn var aðstöðuleysi (bílskúr), kunnáttuleysi og jafnvel peningaleysi, sem þó var léttvægasti þátturinn. Ég er nefnilega orðinn svo séður í peningamálum. Ég var allveg tilbúinn að eyða 200.000 kr í Herramanninn.
BLESSUÐ SÉ MINNING HANS.